काठमाडौंः ऊर्जामन्त्री कुलमान घिसिङ संरक्षक रहेको उज्यालो नेपाल पार्टीले आगामी फागुन २१ गते हुने निर्वाचनमा उम्मेद्वारी दिने व्यक्तिका लागि खुला आवेदन आह्वान गरेको छ ।
शुक्रबार काठमाडौंमा पत्रकार सम्मेलन गरी सो निर्वाचनमा पार्टीको तर्फबाट उम्मेद्वारी दिन चाहनेले आगामी मंसिर २९ गतेभित्र आवेदन दिन आग्रह गरिएको हो ।
निर्वाचनका लागि योग्य, सक्षम र स्वच्छ छवि भएका, देशको उज्यालो भविष्य निर्माणका लागि स्पष्ट मार्गचित्र कोर्न सक्ने व्यक्तिहरुबाट उम्मेद्वारीको लागि २०८२ साल मंसिर २९ गतेसम्म खुला आवेदन आह्वान गरिएको पार्टीले जनाएको छ ।
उम्मेदवारी दिँदा उज्यालो नेपाल बनाउने मार्गचित्र पेश गर्ने उम्मेद्वारलाई प्राथमिकता दिइने बताइएको छ । आवेदन दिँदा आफूले उठन चाहेको निर्वाचन क्षेत्र उल्लेख गर्न पनि सो पार्टीले अनुरोध गरेको छ ।
