बैतडीः बैतडी जिल्लाको पाटन नगरपालिका–८ ज्याफूस्थित जनप्रिय आधारभूत विद्यालयको प्रधानाध्यापकमा २२ वर्षीय भरत भण्डारी नियुक्त भएका छन् ।
पाटन नगरपालिका–९ घर भएका भण्डारी शिक्षण पेशामा आबद्ध भएको ६ महिनामै प्रधानाध्यापक बनेका हुन् । करार राहत कोटामा कार्यरत भण्डारीलाई विद्यालय व्यवस्थापन समितिले प्रधानाध्यापक जिम्मेवारी दिने निर्णय गरेको छ ।
आफूले प्रअको जिम्मेवारी पाएको विषयमा फेसबुकमा जानकारी दिँदै भण्डारीले सम्पूर्ण शिक्षक, विद्यालय व्यवस्थापन समिति, पदाधिकारी तथा अभिभावकलाई धन्यवाद दिएका छन् ।
