विराटचोकः साताको अन्तिम कारोबार दिन आज नेपाल स्टक एक्सचेञ्च (नेप्से) परिसूचक ०.०३ प्रतिशत अर्थात् ०.७९ अङ्कले घटेर २ हजार ५६०.२९ बिन्दुमा अडिएको छ ।
आज ३२८ कम्पनीको १ करोड ४ लाख ४९ हजार २९६ कित्ता शेयर ६६ हजार ७९ पटक किनबेच हुँदा ४ अर्ब ६८ करोड ८८ लाख ६८ हजार २९९ रुपैयाँको शेयर कारोबार भएको छ । नेप्सेमा सूचीकृत १३ वटा समूहमध्ये ६ वटा समूहमा हरियाली छाएको छ । आज होटल समूह सर्वाधिक अर्थात् १.१६ प्रतिशतले बढ्दा फाइनान्स समूह सर्वाधिक अर्थात् ०.७१ प्रतिशतले घटेको छ ।
आज साहस ऊर्जाको सर्वाधिक शेयर कारोबार भयो । आज सप्तकोशी डेभलपमेन्ट बैंकको पनि १६ करोड ९३ लाख, नेपाल पुनर्बीमा कम्पनीको १२ करोड ६९ लाख, युनियन हाईड्रोपावरको १२ करोड १५ लाख र बरुण हाईड्रोपावरको १२ करोड ६३ हजार बढीको सेयर कारोबार भयो ।
बजार घटे पनि धौलागिरी लघुवित्त, बन्दीपुर केवलकार, झापा इनर्जी र सागर डिष्टिलरीको सेयरमूल्य १० प्रतिशतले बढेको छ । सिन्धु विकास बैंक, सप्तकोशी डेभलपमेन्ट बैंक, र चिरख्वा हाईड्रोपावर पनि उच्च शेयरमूल्य बढ्ने कम्पनीमा परेका छन् ।
यो दिन बुङ्गल हाईड्रोको शेयरमूल्य सर्वाधिक अर्थात् ९.०५ प्रतिशतले घट्यो ।
यस्तै दरमखोला हाईड्रो इनर्जीको शेयरमूल्य ४.९१ प्रतिशत र विकास हाईड्रोपावरको शेयरमूल्य ३.७९ प्रतिशतले घट्यो ।
बजार घटेसँगै समग्र बजार पूँजीकरण ४२ खर्ब ९८ अर्ब ७८ करोड ४० लाख २७ हजार ९३३ रुपैयाँ कायम भएको छ ।
