बेलेपुरः सृजनशीनल समाजको आयोजनामा मोरङको सुन्दरहरैंचा नगरपालिका – ११ बेलेपुरमा भएको तीज विशेष खुला विवाहित महिला नृत्य प्रतियोगितामा खोर्साने आमा समूह पहिलो भएको छ । त्यस्तै अक्सिजन फिट्नेस ग्रुप दोस्रो र विष्णुपाञ्चायन भजनकीर्तन समूह तेस्रो र शोभा जोशीको समूहले सान्त्वना स्थान प्राप्त गरेका छन् ।
प्रतियोगिताका विजेताहरुलाई क्रमशः नगद १० हजार, ७ हजार, ५ हजार र ३ हजारसहित प्रमाणपत्र वितरण वितरण गरिएको थियो । राजु बस्नेत र अमृता खड्का प्रतियोगिताको निर्णायकको रुपमा रहनुभएको थियो ।
समाजकी अध्यक्ष लक्ष्मी बजगाईको अध्यक्षता तथा सुन्दरहरंैचा नगरपालिकाकी उपप्रमुख अकली चौधरीको प्रमुख आतिथ्यतामा भएको कार्यक्रमको सञ्चालन समाजकी सचिव अनिता बुढाथोकीले गर्नुभएको थियो ।
