विराटचोकः तीजको अघिल्लो दिन आज नेप्से परिसूचक २१ दशमलव ३० अङ्क बढेर २७६१ दशमलव २६ बिन्दुमा अडिएको छ । नेप्से बढे पनि कारोबार रकम भने घटेको छ । हिजो साढे ६ अर्ब रुपैयाँबराबरको शेयर किनबेच भएको बजारमा आज ३१७ कम्पनीको ५७ हजार १५७ पटकको कारोबारमा ५ अर्ब ७५ करोड ३२ लाख १९ हजार ६५२ रुपैयाँको शेयर किनबेच भएको छ ।
आज नारायणी डेभलपमेन्ट बैंक र विकास हाइड्रोपावर कम्पनीको शेयरमूल्य १० प्रतिशत बढेको छ । कारोबार रकमका आधारमा नेपाल पुनर्बीमा कम्पनीको ७६ करोड ९६ लाख ७७ हजार ९५१ रुपैयाँको शेयर किनबेच भएको छ ।
अन्य उपसमूहको परिसूचक सर्वाधिक २ दशमलव ७९ प्रतिशत बढेको बजारमा उत्पादन तथा प्रशोधन र सामुहिक लगानी कोषको सूचक भने ओरालो लागेको छ ।
बजार बढेसँगै समग्र बजार पूँजीकरण १५ खर्ब ७१ अर्ब ४ करोड ९० लाख ४० हजार ३५८ रुपैयाँ निर्धारण भएको छ ।
