सुन्दरहरैंचाः मंसिर १० गतेदेखि निष्काशन तथा बिक्री खुला गरेको घलेम्दी हाइड्रो लिमिटेडले हकप्रद शेयरमा आवेदन दिने म्याद थप गरेको छ । कम्पनीले निष्काशन गरेको हकप्रद शेयरमा अब पुस १६ गतेसम्म आवेदन दिन सकिने भएको हो ।
कम्पनीले हाल कायम चुक्ता पूँजीको २०० प्रतिशत हकप्रद शेयर निष्काशन गरेको हो । हकप्रद शेयर निष्काशन प्रयोजनार्थ कम्पनीले कात्तिक ३ गते बुक क्लोज गरेको थियो । यस अनुसार कात्तिक २ गतेसम्म नेप्सेमा कारोबार भई कायम शेयरधनीहरुले सो हकप्रद शेयरका लागि आवेदन दिन सक्नेछन् ।
मंसिर ३० गते शनिबार साँझ ५ बजेसम्ममा कम्पनीको हकप्रद शेयरमा ४६ लाख १७ हजार ६ सय ३२ कित्ता शेयरका लागि आवेदन परेको सिडिएससीले जनाएको छ । कम्पनीको शेयर निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ । १ करोड १० लाख कित्ता हकप्रद भर्नुपर्ने आधा शेयरधनीले पनि नभरेको देखिन्छ ।
हाल कम्पनीको चुक्ता पूँजी ५५ करोड रुपैयाँ रहेको छ । हकप्रद निष्काशन तथा बाँडफाँटपश्चात कम्पनीको चुक्ता पूँजी १ अर्ब ६५ करोड रुपैयाँ पुग्नेछ ।
