काठमाडौंः नेपाल स्टक एक्सचेन्ज (नेप्से) ले मार्जिन कारोबारका लागि योग्य सूचीकृत कम्पनीहरुको सूची पुनः सार्वजनिक गरेको छ । यसअघि ११२ वटा कम्पनी मार्जिन कारोबारका लागि योग्य भनी सार्वजनिक गरिएकोमा १० वटा घटेका छन् ।
मङ्गलबार सार्वजनिक सूची अनुसार १०२ वटा सूचीकृत कम्पनीहरु मार्जिन कारोबारका लागि योग्य देखिएका छन् । मार्जिन कारोबार सुविधासम्बन्धी कार्यविधि, २०७५ को परिच्छेद ३ को दफा ८ बमोजिम मापदण्ड पूरा गरेका कम्पनीलाई मार्जिन कारोबारयोग्य कम्पनीको सूचीमा राखिएको नेप्सेले जनाएको छ ।
पछिल्लो समय नेप्सेले सार्वजनिक गरेका कारोबारयोग्य कम्पनीको सूची घट्दो क्रममा रहेको छ ।
