विराटचोकः हातेमालो बहुउद्देश्यीय सहकारी संस्था सुन्दरहरैंचाको अध्यक्षमा हेमराज सुवेदी सर्वसमत चयन हुनुभएको छ । शनिबार भएको संस्थाको २२ औं वार्षिक साधारण सभाले उपाध्यक्षमा मनिप्रसाद लिम्बू, सचिवमा गुरुप्रसाद अधिकारी, सहसचिवमा विन्दा दाहाल थापालाई चयन गरेको छ ।
सदस्यहरूमा अर्जुनकुमार कार्की, टीकाप्रसाद सुवेदी, नगेन्द्रकुमार मास्के, यज्ञप्रसाद ढकाल (राम), हरिबहादुर कार्की, कमला गुरुङ, कुसुम बराल कँडेल, मन्दिरा थापा चयन हुनुभएको छ ।
निर्वाचन समितिका संयोजक बलराम पोखरेलका अनुसार लेखा सुपरीवेक्षण समिति संयोजकमा देबीबहादुर कार्की र सदस्यहरुमा लोकबहादुर श्रेष्ठ र कविता दाहाल चयन हुनुभएको छ । नयाँ कार्य समितिका पदाधिकारीहरू तथा सदस्यहरुलाई निर्वाचन संयोजक पोखरेलले पद तथा गोपनियताको शपथ गराउनुभएको छ ।
