काठमाडौंः गायक अनिल लामा र गायिका सुमिना लोको स्वरमा ‘चिरबिर गर्ने भँगेरा’ बोलको नयाँ म्युजिक भिडियो सार्वजनिक गरिएको छ । तामाङ सेलोमा रहेको यस गीतमा शब्द जीवन बोमजनको रहेको छ भने गीतमा वरिष्ठ संगीतकार चन्द्रकुमार दोङको संगीत र दिपेश प्रधानको संगीत संयोजन रहेको छ ।
अमेरिकामा रहेर नेपाली गीत संगीतमा सक्रिय कलाकार रोशन गुरुङ र नेपाली म्युजिक क्षेत्रमा सर्वाधिक रुचाइएकी मोडल रिया लामाको अभिनय भिडियोमा देख्न सकिन्छ । भीमफेदी गाइजको नृत्य पनि गीतको भिडियोमा देख्न सकिन्छ । पवन सुसेलिङ्गको छायाङ्कन, सम्पादन र निर्मलकुमार लामाको निर्देशनमा भिडियो तयार पारिएको हो । भिडियोमा प्रजिता लामाले लगानी गरेकी छिन् ।
