काठमाडौंः कवि सयपत्री थुलुङको कविता कृति ‘गाउँ फर्किरहेको परदेशी’को काठमाडौमा लोकार्पण गरिएको छ । सम्भव समूहको आयोजनामा मण्डला थिएटरमा भएको कार्यक्रममा संखुवासभाका कवि थुलुङको कृति सार्वजनिक भएको हो ।
थुलुङ विगत डेढ दशकदेखि साहित्य सिर्जनामा क्रियाशील छन् । २०७० सालमा ‘शान्तिको फूल’ गजलसङ्ग्र्रह प्रकाशन गरेकी थुलुङको एक दशक पछि दोस्रो कृतिका रूपमा कवितासङ्ग्रह पाठक सामु आएको हो ।
कवि श्रवण मुकारुङ, कवि ज्योति जंगल र कवि उत्तम तुम्सा लिम्बूले कृतिमा रहेका कविताका बारेमा आफ्नो भनाइ राखेका थिए ।
