आँखुखोला जलविद्युतको १५० प्रतिशत हकप्रद शेयर खरीदमा आवेदन दिने आज अन्तिम दिन

विराटचोकः आँखुखोला जलविद्युतको १५० प्रतिशत हकप्रद शेयरमा खरीद आवेदन दिने आज आइतबार अन्तिम दिन हो । आज बैंकिङ समयसम्म यसमा आवेदन दिन सकिने छ ।

आँखुखोलाले साउन २७ गतेदेखि १५० प्रतिशत अर्थात् १ करोड २० लाख कित्ता हकप्रद शेयर बिक्री खुला गरेको हो । हकप्रद शेयरका लागि कम्पनीले साउन १ गते बुक क्लोज गरेको हुनाले असार ३१ गतेसम्म कायम रहेका लगानीकर्ताले हकप्रद शेयर खरीदमा आवेदन दिन पाउनेछन् ।

कम्पनीको हकप्रद शेयरमा नबिल इन्भेष्टमेन्ट बैंकिङले बिक्री प्रबन्धकको काम गरेको छ । यसमा नबिल इन्भेष्टमेन्ट बैंकिङ, प्राइम कमर्सियल बैंक, प्रभु बैंक, माछापुच्छ्रे बैंक र कुमारी बैंकका तोकिएका शाखा कार्यालयबाट आवेदन दिन सकिन्छ । साथै धितोपत्र बोर्डबाट आस्वा अनुमति प्राप्त बैंक तथा वित्तीय संस्था र मेरो शेयरमार्फत् आवेदन दिन सकिनेछ ।