विराटचोकः सुन्दहरैंचा उद्योग वाणिज्य संघको आयोजनामा विराटचोकमा नापतौल जाँच शिविर सम्पन्न भएको छ । नापतौलका यन्त्र दर्ता, नवीकरण तथा जाँच गर्ने शिविर शुक्रबार र शनिबार सञ्चालन भएको हो ।
नेपाल गुणस्तर तथा नापतौल कार्यालय विराटनगरको टोलीले सञ्चालन गरेको शिविरमा व्यवसायीको उल्लेख्य सहभागिता रहेको थियो ।
गुणस्तर तथा नापतौल कार्यालय विराटनगरका अनुसार नापतौलमा प्रयोग हुने ढक तथा यन्त्र हरेक वर्ष जाँच गराउनुपर्छ ।
कानूनी प्रावधान अनुसार व्यापारीले ढक, तराजु, मिटर, लिटर लगायत नापतौल सामग्री नापतौल कार्यालयबाट अनुमति प्राप्त आधिकारिक अधिकृत बिक्रेताबाट खरिद गरी सञ्चालनमा ल्याउनुपर्छ । प्रयोगमा ल्याएका नापतौलका सामग्रीका लागि ३५ दिनभित्र अनिवार्य अनुमति लिनुपर्ने प्रावधान रहेको छ ।
