विराटचोकः आज शेयर बजारमा २० अर्ब रुपैयाँभन्दा बढीको कारोबार भएको छ । आज इन्ट्रा डेमा नेप्से सूचकमा ९४ अङ्कसम्मको वृद्धि भएको थियो । दिउँसो १ बजेर ३४ मिनेट जाँदा नेप्से हिजो भन्दा ९४ अंक बढेर सूचक २७९० सम्म पुगेको थियो । त्यसपछि ओरालो झरेर २७६२ सम्म झरेको नेप्से पुनः बढेर २७७७ सम्म पुगे पनि त्यसपछि भने ओरालो लागेको थियो ।
दिउँसो २ बजेर ४४ मिनेट जाँदा नेप्सेमा २० अर्ब ७९ लाख रुपैयाँभन्दा बढीको कारोबार भएको थियो । आज हिमालयन रिइन्स्योरेन्सको सबैभन्दा धेरै ७९ करोड २८ लाख रुपैयाँको शेयर किनबेच भएको छ ।
अहिले २ बजेर ४४ मिनेट जाँदा हिजोभन्दा बजार ५६ अङ्क बढेर २७५२ मा पुगेको छ ।
