बागलुङः प्रभु बैंकले बागलुङ जिल्लाका विभिन्न स्थानमा ४ वटा शाखा एकै दिनदेखि सञ्चालनमा ल्याएको छ । बैंकले ढोरपाटन नगरपालिका वडा नं.७ को बोवाङ, निसीखोला गाउँपालिका वडा नं. ५ को निसी, बडिगाड गाउँपालिका वडा नं २ को खरबाङ र बडिगाड गाउँपालिका वडा नं. ७ को भिमगिठेमा सोमबारदेखि ती शाखा सञ्चालननमा ल्याएको हो ।
बैंकका संस्थापक अध्यक्ष देवीप्रकाश भट्टचनले सबै शाखाको उद्घाटन गर्नुभएको थियो । कार्यक्रममा विभिन्न सरकारी कार्यालयका प्रतिनिधिहरु, विभिन्न राजनीतिक दलका प्रतिनिधिहरु, उद्योग वाणिज्य संघका पदाधिकारीहरु, विभिन्न संघ संस्थाका प्रतिनिधिहरु, स्थानीय व्यापारी र सर्वसाधारणको उपस्थिति रहेको थियो ।
प्रभु बैंक हालसालै “बैंक अफ द इयर २०२३” को उपाधिबाट सम्मानित भएको थियो ।
