विराटचोकः निरन्तर छैटौँ दिन पनि नेप्सेले उकालो यात्रालाई निरन्तरता दिएको छ । आज नेप्से परिसूचक ७५ दशलमव ३३ अंक अर्थात् ३ दशमलव ०३ प्रतिशत बढेर २५६३ दशमलव ४३ बिन्दुमा अडिएको छ । आज सेन्सेटिभ इण्डेक्स पनि १० दशमलव ४० अंक र फ्लोट इण्डेक्स ५ दशमलव १४ अंक तथा सेन्सेटिभ फ्लोट इण्डेक्स ३ दशमलव ७८ अंक बढेको छ ।
अघिल्लो दिनको तुलनामा आज कारोबार रकम पनि बढेको छ । आज ३१७ कम्पनीको १ लाख ७१ हजार ३८७ पटकको कारोबारमा ३ करोड ९७ लाख ९० हजार ८८९ कित्ता शेयर खरिदबिक्री हुँदा १४ अर्ब ११ करोड ६३ लाख ३० हजार ९९५ रुपैयाँको शेयर कारोबार भएको छ ।
१३ वटै उपसमूहको परिसूचक बढ्दा व्यापार उपसमूहको परिसूचक सर्वाधिक ५ दशमलव ०६ प्रतिशत बढेको छ । जीवन बीमा उपसमूहको परिसूचक ४ दशमलव ४५ र निर्जीवन बीमा उपसमूहको परिसूचक ४ दशमलव ३७ प्रतिशत बढेको छ ।
आज ९ वटा कम्पनीको शेयरमूल्य १० प्रतिशत बढेको छ । बोटलर्स नेपाल (बालाजु), समृद्धि फाइनान्स, माण्डु हाइड्रोपावर, हाथवे इन्भेष्टमेन्ट, नेपाल वेयरहाउजिङ्ग, साहस उर्जा, ग्लोबल आइएमई ब्यालेन्स्ड फण्ड १ र हिमालयन ऊर्जा विकास कम्पनीको शेयरमूल्य १० प्रतिशत बढेको हो ।
बजार बढे पनि गणपति लघुवित्तको शेयरमूल्य सर्वाधिक ५ दशमलव ८३ प्रतिशत घटेको छ ।
आज शिवम् सिमेन्ट्सको सर्वाधिक २४ करोड ६९ लाख २३ हजार ७९२ रुपैयाँको शेयर कारोबार भएको छ । अपि पावर, हिमालयन रि इन्स्योरेन्स, साइन रेसुङ्गा डेभलपमेन्ट बैंक र ङादी ग्रुपको उच्च कारोबार भएको छ ।
बजार बढेसँगै समग्र बजार पूँजीकरण ४० खर्ब ६७ अर्ब ४२ करोड १५ लाख १७ हजार १९२ रुपैयाँ कायम भएको छ ।
