काठमाडौंः अर्थ मन्त्रालयले गत आर्थिक वर्ष २०८०\८१ मा उत्पन्न भएको र भुक्तानी दिन नसकेको रकम जुनसुकै त्रैमासमा भुक्तानी दिन सकिने बताएको छ । मन्त्रालयले जारी गरेको बजेट कार्यान्वयन मार्गदर्शनमा यो व्यवस्था गरिएको जनाएको छ ।
बहुवर्षीय आयोजनामा गत वर्ष दायित्व सिर्जना भए पनि भुक्तानी दिन नसकिएको र यस वर्ष पनि बजेटमा निरन्तरता पाएको कार्यक्रम तथा आयोजनामा यस वर्षको बजेटबाट अघिल्लो वर्षको बक्यौता जुनसुकै त्रैमासममा पनि दिन सकिने गरी अर्थले स्वीकृति दिएको छ ।
निर्माण व्यवसायीले लामो समयदेखि भुक्तानी नपाएको भन्दै सरकारको आलोचना गर्दै आएका छन् ।
