विराटचोकः अमेरिकाका पूर्व राष्ट्रपति डोनाल्ड ट्रम्पमाथि गोली प्रहार भएको छ । अन्तर्राष्ट्रिय समाचार एजेन्सीहरुका अनुसार गोली उनको कानमा लागेको छ र कानबाट निस्किएको रगत गालासम्म बगेको छ ।
पेन्सिलभेनियाको ग्रेटर पिट्सबर्ग क्षेत्रको बटलर काउन्टीमा चुनावी र्याली गरिरहेका बेला ट्रम्पमाथि गोली प्रहार भएको थियो । उनीमाथि करिब ३०० यार्ड परबाट राइफलबाट गोली हानिएको बताइएको छ ।
सो घटनाको राष्ट्रपति जो बाइडेनले निन्दा गरेका छन् । उनले सबै अमेरिकीलाई एकजुट हुँदै यस्ता खालका आक्रमणको निन्दा गर्न आह्वान गरेका छन् ।
बीबीसीका अनुसार ट्रम्पमाथि गोली चलाउने व्यक्तिलाई नियन्त्रणमा लिन सुरक्षाकर्मीले गोली चलाउँदा मृत्यु भएको छ । अर्का एक सर्वसाधारण पनि गोली लागेर मारिएको बताइएको छ ।
