विराटचोकः मोरङको सुन्दरहरैँचा ६ कुमारगाउँमा भक्तराज लिम्बूको केरा बगानभित्र आज बिहान हात्तीको छावा मृत अवस्थामा फेला परेको छ ।
अन्दाजी ६–७ वर्षको भाले छावा बिहान ६ बजेतिर मृत अवस्थामा भेटिएको स्थानीयले बताएका छन् । हात्तीको सुँडको छेउमा सामान्य चोट बाहेक अन्य चोट देखिएको छैन ।
गत पुस दोस्रो साता मोरङको सुन्दरहरैचा–१० स्थित जनजागरण सामुदायिक वनमा जंगली हात्ती गोली हानेर मारिएको अवस्थामा फेला परेको थियो ।
पोष्टमार्टम रिपोर्टमा विषालु पदार्थको असरको कारण हात्ती मरेको हुन सक्ने बताइएको छ । मृत हात्तीलाई पोष्टमार्टमपछि खाल्डो खनेर पुरिएको छ ।
घटनाको विषयमा अनुसन्धान अघि बढाइएको प्रहरीले जनाएको छ ।
घटनास्थलको वरपरको धेरै केरा खेतीमा र मकै बारीमा हात्तीले क्षति पुर्याएको छ ।
सम्बन्धित समाचारहरुः
सुन्दरहरैँचाको मुनालझोडामा गोली हानी मारेको अवस्थामा हात्ती फेला
भिडियोः
