विराटचोकः सुन्दरहरैँचामा रहेको श्रीकृष्ण प्रणामी मन्दिरको ५२ औं वार्षिकोत्सव कार्यक्रम विभिन्न धार्मिक कार्यक्रमसहित सम्पन्न भएको छ । श्रीकृष्ण प्रणामी बाल सेवा आश्रम सलकपुरको ५२ औं वार्षिकोत्सव विभिन्न धार्मिक कार्यक्रमसहित सम्पन्न भएको हो ।
बाइज्युराज संघ एकाई समिति सलकपुरद्वारा आयोजित उक्त सप्ताह कार्यक्रममा १०८ तारतम सागरको पाठ स्थानीय १०८ ब्रह्ममुनिद्वारा पाठ भएको कार्यक्रम संयोजक गंगादेवी बास्तोलाले बताउनुभयो ।
मन्दिरका मुख्य सञ्चालक सन्त मनोज मधुकर महाराजको कथा प्रवचनका साथ सम्पन्न भएको कार्यक्रममा नगर प्रमुख केदारप्रसाद गुरागाई, पुर्व नगर प्रमुख शिवप्रसाद ढकालको आतिथ्यता रहेको थियो ।
बाईज्युराज संघ मोरङ उपाध्यक्ष देवी पौडेलले सञ्चालन गर्नु भएको कार्यक्रममा जनप्रतिनिधि, मन्दिरका अध्यक्ष कृष्ण बास्तोला, पूर्व अध्यक्ष रामप्रसाद गजुरेल, उद्वब रिजाल, पूर्णप्रसाद ढकाल लगायतको उपस्थिति रहेको थियोे ।
