काठमाडौंः सरकारले माघ महिनामा शेयर बजारबाट ९७ करोड २० लाख रुपैयाँ पूँजीगत लाभकर पाएको छ । सीडीएस एण्ड क्लियरिङ लिमिटेडको तथ्याङ्कअनुसार चालु आर्थिक वर्षको माघमा उठेको पूँजीगत लाभकर सबैभन्दा धेरै हो ।
लगानीकर्ताले डिम्याट खातामा ३६५ दिनभन्दा कम समयमा शेयर बेच्दा नाफामा साढे ७ प्रतिशत पूँजीगत लाभकर तिर्नुपर्ने व्यवस्था छ । ३६५ दिनभन्दा बढी अवधि राखेर बिक्री गर्दा नाफामा ५ प्रतिशत कर तिर्नुपर्छ ।
माघमा उठेको पूँजीगत लाभकरमध्ये १६ करोड ३१ लाख ५७ हजार रुपैयाँ दीर्घकालीन लगानीकर्ताले तिरेको रकम हो । अल्पकालीन लगानीकर्ताबाट ५२ करोड ४४ लाख ७२ हजार रुपैयाँ पूँजीगत लाभकर उठेको छ ।
त्यस्तै, ४ करोड ६५ लाख ४१ हजार रुपैयाँ भने संस्थागत लगानीकर्ताबाट संकलन भएको पूँजीगत लाभकर भएको बताइएको छ ।
