इलामः भारतीय स्वतन्त्रता दिवसको अवसरमा नेपाल–भारत मैत्री संघले आयोजना गरेको कोशी प्रदेशस्तरीय निबन्ध लेखन प्रतियोगितामा इलामको अमर माध्यमिक विद्यालयमा कक्षा १० मा अध्ययनरत छात्रा एस्तर दियाली पहिलो भएकी छिन् ।
कोशी प्रदेशका विभिन्न जिल्लाका विद्यालयबाट सहभागी विद्यार्थीबीच भएको प्रतियोगितामा प्रथम भएकी एस्तरले नगद १५ हजार रुपैयाँसहित ट्रफी, मेडल र प्रमाणपत्र प्राप्त गरेकी छिन् ।
सो प्रतियोगितामा झापाको धुलाबारी माध्यमिक विद्यालयमा कक्षा १० मा अध्ययनरत छात्रले द्वितीय स्थान हासिल गरेका छन् । उनले नगद १० हजार रुपैयाँसहित ट्रफी र प्रमाणपत्र प्राप्त गरेका छन् ।
सुनसरीको बालमन्दिर माध्यमिक विद्यालयमा कक्षा १० मा अध्ययनरत छात्राले तृतीय स्थान हासिल गर्दै नगद ५ हजार रुपैयाँसहित ट्रफी र प्रमाणपत्र प्राप्त गरेकी छिन् ।
नेपाल र भारतबीचको ऐतिहासिक, सांस्कृतिक तथा जनस्तरको सम्बन्धलाई युवा पुस्तामाझ थप सुदृढ बनाउने उद्देश्यले प्रतियोगिता आयोजना गरिएको आयोजकले जनाएको छ ।
