विराटनगरः द काउन्सिल अफ जेनजीका प्रतिनिधिले मंगलबार कोशी प्रदेश प्रहरी प्रमुख प्रहरी नायव महानिरीक्षक शेखर खनालसँग भेटघाट गर्दै प्रदेशको शान्ति सुरक्षा, प्रहरी–समुदाय सम्बन्ध तथा समसामयिक विषयमा छलफल गरेका छन् ।
जेनजी प्रतिनिधिहरूले प्रदेश प्रहरी कार्यालय रानी पुगेर प्रदेश प्रहरी प्रमुख खनाललाई स्वागत गर्दै समसामयिक विषयमा आफ्ना सुझाव प्रस्तुत गरेका थिए ।
उनीहरुले कानुन कार्यान्वयन र न्याय सम्पादनका क्रममा प्रहरीले व्यापारी, विशिष्ट व्यक्ति वा राजनीतिक पहुँचका आधारमा होइन, सबै नागरिकप्रति समान व्यवहार गर्नुपर्ने सुझाव दिएका थिए ।
भेटघाट सौहार्दपूर्ण र फलदायी भएको जनाउँदै जेनजी प्रतिनिधिहरुले प्रहरी र नागरिकबीचको सहकार्यलाई अझ प्रभावकारी बनाउने विषयमा निरन्तर संवाद आवश्यक रहेको बताएका थिए ।
