विराटचोकः विश्कप फुटबल प्रतियोगिताअन्तर्गत आज बिहान अमेरिकाको बोस्टन स्टेडियममा भएको खेलमा स्कटल्यान्डले हाइटीमाथि १–० को जीत निकालेको छ ।
२८ वर्षपछि विश्वकपमा पुनरागमन गरेको स्कटल्यान्डका लागि खेलको २९ औं मिनेटमा जोन म्याकगिनले गरेको एकमात्र गोल नै टोलीको लागि ३ अंक जोड्न सफल भयो ।
३ अंक जोडेर समूह ‘सी’ को शीर्ष स्थानमा रहेको स्कटल्याण्डपछि सो समूहमा बराबरी खेलेका मोरक्को र ब्राजिलको समान एक–एक अंक छ । स्कटल्यान्डसँग पराजित हाइटी अंकविहीन छ ।
स्कटल्यान्डले पछिल्लोपटक सन् १९९८ मा विश्वकप खेलेको थियो । त्यसपछि लगातार छनोट हुन सकेको थिएन । सन् १९९० मा स्कटल्यान्डले स्वीडेनलाई २–१ ले पराजित गरेको थियो ।
समूह चरणको आठौँ तथा आजको चौथो खेलमा अस्ट्रेलिया र टर्की क्यानडाको भ्यानकुभर स्टेडियममा बिहान पौने १० बजे खेल्नेछन् ।
