विराटचोकः आज मातातीर्थ औंसीको अवसर पारेर प्रधानमन्त्री बालेन्द्र (बालेन) शाहले शुभकामना दिँदै आफूले नेपाल आमा हाँसेको हेर्न चाहेको बताउनुभएको छ ।
‘माता र मातृभूमि स्वर्गभन्दा पनि महान् हुन्छन् । माताको काख न्यानो, चरण तीर्थजस्तै पवित्र। मातातीर्थ औंसीको यस पावन अवसरमा माया र त्यागको अनुपम उदाहरण बनिरहने सृष्टिकी मुहान सम्पूर्ण आमाहरूप्रति हार्दिक सम्मान, कृतज्ञता र नमन व्यक्त गर्दछु। आमाहरूको दीर्घायुको कामना गर्दछु’, प्रधानमन्त्री शाहले सन्देशमा भन्नुभएको छ ।
‘आमाको मुख हेर्ने दिन आज सम्पूर्ण आमाहरू र नेपाल आमाको सदैव उज्यालो मुहारको कामना गर्दछु । आमालाई सधैं हँसाउन सकौं, हामी सन्तानहरूको कर्ममा आमाले सदैव गर्व गर्न सकून् । मातातीर्थ औंसी (आमाको मुख हेर्ने दिन) को हार्दिक मंगलमय शुभकामना । हे जननी ! म नेपाल आमा हाँसेको हेर्न चाहन्छु,’ उनले लेखेका छन् ।
आज बिहान ७ बजे प्रधानमन्त्री शाहले सामाजिक सञ्जाल फेसबुकमार्फत् लिखित सन्देश दिनुभएको हो ।
