विराटचोकः निर्वाचन आयोगले बैंक खाता खोल्ने काम ढिलो नगर्न प्रतिनिधि सभाका उम्मेदवारलाई अनुरोध गरेको छ । शुक्रबार आयोजित नियमित पत्रकार सम्मेलनमा आयोगले निर्वाचनको प्रचारप्रसार सम्बन्धी सबै खर्च सोही खाताबाट हुनुपर्ने भएकाले खाता खोल्न बाँकी उम्मेद्वारहरुलाई तत्काल खाता खोल्न सचेत गराएको हो ।
सार्वजनिक बिदाका कारण पनि सो खाता खोल्ने काममा उम्मेदवारहरुलाई असहज हुन सक्ने देखिएको र अब यसलाई ढिलो नगर्न पनि सचेत गराइएको र उम्मेद्वारहरुलाई खाता खोल्ने काममा बैंकहरुलाई सहजीकरण गर्न पनि अनुरोध गरिसकिएको आयोगले जनाएको छ ।
सोमबारसम्ममा धेरैजसो उम्मेद्वारहरुले खाता खोलिसक्ने अपेक्षा गरिएको आयोगले जनाएको छ । निर्वाचन आयोगले जारी गरेको निर्वाचन आचारसंहितामा निर्वाचनमा हुने खर्च पारदर्शी बनाउनका लागि उम्मेद्वारहरुले बैक खाता खोली सोही खाताबाट खर्च गर्नुपर्ने व्यवस्था गरेको छ ।
