विराटचोकः मोरङको सुन्दरहरैंचा नगरपालिकाद्वारा आयोजित ‘प्रथम शैक्षिक महोत्सव’ बुधबार सम्पन्न भएको छ ।
तीन दिवसीय महोत्सवमा नगरभित्रका ८७ वटा सामुदायिक तथा संस्थागत विद्यालयका विद्यार्थीहरूले आफ्ना लुकेका प्रतिभा र सिर्जना प्रस्फुटन गरेका थिए । प्रदर्शनीमा राखिएका एक सयभन्दा बढी स्टलहरूमा विज्ञान–प्रविधि, गणितीय सीप, चित्रकलादेखि मौलिक साहित्यिक कृतिहरू आकर्षणको केन्द्र बनेका थिए ।
बेलबारी र केराबारीका एकएक वटा विद्यालयले पनि महोत्सवमा सहभागिता जनाएका थिए ।
