केराबारीः मोरङको केराबारी गाउँपालिकाले ‘मेरो स्वास्थ्य, मेरो जिम्मेवारी’ भन्ने मूल नारासहित नागरिक आरोग्य सेवा केन्द्र सञ्चालनमा ल्याएको छ ।
शुक्रबार केराबारी गाउँपालिका वडा नं. १० को कार्यालयमा गाउँपालिका अध्यक्ष सुमन मिरिङचिङ र उपाध्यक्ष मनमाया मगरले संयुक्त रूपमा सेवा केन्द्रको उद्घाटन गर्नुभएको हो ।
योग, ध्यान तथा आयुर्वेदिक चिकित्सा पद्धतिमार्फत नागरिकलाई स्वस्थ र निरोगी बनाउने उद्देश्यले स्वास्थ्य शाखामार्फत् सेवा केन्द्र सञ्चालनमा ल्याइएको बताइएको छ ।
