विराटचोकः आज सुन र चाँदी दुवैको मूल्यले उच्च मूल्यको रेकर्ड बनाएको छ । हिजो कायम भएको उच्च मूल्यको रेकर्ड आज तोडिएको हो । अस्ति कायम भएको उच्च मूल्यको रेकर्ड हिजो तोडिएको थियो । सुनको भाउले लगातार तेस्रो दिन र चाँदीको भाउले लगातार चौथो दिन उच्च मूल्यको रेकर्ड बनाएको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला २ लाख ६८ हजार १०० रुपैयाँ निर्धारण भएको छ । चाँदीको भाउ प्रति तोला ४ हजार ४२० रुपैयाँ निर्धारण भएको छ ।
सुनको भाउ आज तोलामा ९०० रुपैयाँ र चाँदीको भाउ तोलामा १६५ रुपैयाँ बढेको हो ।
हिजो सुनको भाउ तोलामा ५ हजार ५०० रुपैयाँ र चाँदीको भाउ तोलामा २० रुपैयाँ बढेको थियो ।
