विराटनगरः विभिन्न १५ वामपन्थी राजनीतिक दलहरू मिलेर बनेको नवगठित ‘नेपाली कम्युनिष्ट पार्टी’ले सोमबार विराटनगरमा विशाल ‘एकता सन्देश सभा’को आयोजना गर्ने पत्रकार सम्मेलन गरी जानकारी दिइएको छ ।
विराटनगरस्थित जनआन्दोलन चोकको उत्तरतर्फ रहेको पुरानो गुद्रीको खुल्ला मैदानमा दिउँसो १२ बजे हुने सभालाई पार्टीका शीर्ष नेताहरूले सम्बोधन गर्ने कार्यक्रम तय भएको छ ।
सभालाई पार्टीका संयोजक एवं पूर्व प्रधानमन्त्री पुष्पकमल दाहाल ‘प्रचण्ड’, सह–संयोजक माधवकुमार नेपाल, वरिष्ठ नेता झलनाथ खनाल, भीम रावल लगायत एकता प्रक्रियामा सहभागी भएका सबै घटकका शीर्ष नेताहरूले सम्बोधन गर्ने बताइएको छ ।
२०८२ कात्तिक १९ गते १० राजनीतिक दलहरू बीच एकता भई गठन भएको यो पार्टीमा हाल १५ दल आबद्ध भएका छन् ।
