विराटचोकः मोरङको सुन्दरहरैँचा १२ निवासी स्वर्गीय दुर्गाप्रसाद ढकाल तथा स्वर्गीय छायाँदेवी ढकालको १२ औँ पुण्यतिथिको अवसरमा सुकुना बहुमुखी क्याम्पसमा रहने गरी “दुर्गाप्रसाद–छायाँदेवी ढकाल स्मृति अक्षयकोष” स्थापना गरिएको छ ।
ढकाल दम्पत्तिका छोरा–बुहारी गणेशप्रसाद ढकाल र श्रीमती शशी ढकाल तथा गोपाल ढकाल र श्रीमती योजना शर्मा ढकालले संयुक्त रूपमा रु. २ लाख १ हजार रुपैयाँबराबरको बैंक चेक सुकुना बहुमुखी क्याम्पस प्रशासनलाई हस्तान्तरण गर्नुभएको हो । ढकाल दम्पत्तिका छोरा बुहारी “दुर्गाप्रसाद–छायाँदेवी ढकाल स्मृति अक्षयकोष ” को संरक्षक रहेका छन् ।
क्याम्पस प्रमुख अर्जुनराज अधिकारीले उक्त कोषले उत्कृष्ट विद्यार्थी प्रोत्साहन, शैक्षिक विकास र सामाजिक उत्तरदायित्व प्रवद्र्धनमा सहयोग पु¥याउने विश्वास व्यक्त गर्नुभएको छ ।
ढकाल परिवारका अनुसार, समाज र शिक्षाप्रतिको लगावले परिचित स्व. दुर्गाप्रसाद तथा स्व. छायाँदेवी ढकालको आदर्श मूल्यलाई दिगो रूपमा जगेर्ना गर्ने उद्देश्यले कोष स्थापना गरिएको हो ।
