गाईघाटः उदयपुरको महेन्द्र मावि रसुवापोखरी रौतामाई गाउँपालिकाको कार्यसम्पादन मूल्याङ्कनमा उत्कृष्ट घोषित भएको छ ।
रौतामाई गाउँपालिका शिक्षा सुधार योजना कार्यान्वयन २०८१ को कार्यसम्पादन मूल्याङ्कनमा रौतामाई गाउँपलिकाका सम्पूर्ण विद्यालय मध्येबाट नेपाली विषय शिक्षक तथा विद्यालयकी सहायक प्रधानाध्यापक दुर्गा दाहाल उत्कृष्ट हुनुभएको छ ।
त्यस्तै, पालिकाभरका विद्यालयबाट गणित विषयमा सोही विद्यालयका पप्पुकुमार साह र पालिकाभरका विद्यालय सहायक (लेखापाल) मध्येबाट सोही विद्यालयाका लेखापाल केशरबहादुर खत्री उत्कृष्ट हुनुभएको छ ।
हालै प्रकाशित माध्यमिक शिक्षा परीक्षा (एसईई)मा रौतामाई गाउँपालिका उत्कृष्ट भएको छ । सो विद्यालयकी रचना खड्काले छात्रातर्फ पालिकाभरीमा सबैभन्दा बढी ३ दशमलव ५१ जीपीए ल्याउनुभएको छ । सो विद्यालय २०८० सालको एसईईमा पनि उत्कृष्ट भएको थियो ।
एसईई परीक्षामा उत्कृष्ट नतिजा ल्याउने विद्यार्थी तथा कार्यसम्पादन मूल्याङ्कनमा उत्कृष्ट हुने शिक्षकलाई पालिकाले एक कार्यक्रम गरी सम्मान गरेको छ ।
