काठमाडौंः नेपाल सरकारको पूर्व प्रशासकका रुपमा कुशल भूमिका निभाएका चर्चित गीतकार शंकर कोइरालाको शब्द तथा मौलिक सर्जक कस्तुप पन्तको संगीत रहेको ‘परदेशी’ बोलको गीतको भिडियो सार्वजनिक भएको छ ।
कस्तुप पन्तको आधिकारिक युट्युब च्यानलबाट सार्वजनिक भएको उक्त गीतमा चर्चित गायिका अञ्जु पन्तको स्वर समेटिएको छ । गीतको संगीत संयोजन रमेश सेन्चुरीले गरेका छन् ।
मुकुन्द भट्ट र स्मृति थापाको उत्कृष्ट अभिनयले भिडियोलाई रोमाञ्चक बनाएको छ । यात्रामा हिँडेको एउटा अन्जान परदेशी युवा कुनै युवतीको घरमा बास बस्दाको चिनाजानी अनि उनले त्यस ठाउँका विभिन्न मनोरम दृश्यहरु देखाउँदादेखाउँदै मौलाएको माया गीतको भिडियोमा देखाइएको छ ।
त्यस ठाउँमा बस्दै गर्दा गाढा बन्दै गरेको माया परदेशीको बसाइ सकिएसँगै अन्त्य भएको वियोगान्त कथा समावेश भएको भिडियोलाई वसन्त बिजे महर्जनले खिचेका छन् भने प्रविन थापाको निर्देशन र अमृत चापागाईंको सम्पादन रहेको छ । सारथी म्युजिकले प्रस्तुत गरेको भिडियो मनोरञ्जनको लागि भन्दा पनि ललितपुरको लेले क्षेत्रका रमणीय दृश्यहरु हेर्दा त्यहाँको पर्यटन प्रवद्र्धनका निम्ति बनाइएको आभाष हुन्छ ।
