बेलबारीः आइतबार साँझ मोरङको बेलबारी ८ स्थित पूर्वपश्चिम राजमार्गको चिसाङ पुलमा कार र मोटरसाइकल ठक्कर हुँदा मोटरसाइकल चालक प्रहरी जवान वर्ष ३२ का चित्रसागर राईको मृत्यु भएको छ ।
जिल्ला प्रहरी कार्यालय मोरङका अनुसार सङ्खुवासभाको सिलिचोङ –२ निवासी राई सुनसरीको अस्थायी प्रहरी चौकी नडाहामा कार्यरत थिए । पूर्वतर्फ जाँदै गरेको प्रदेश ३–०१–०२४ च ०७३४ नम्बरको कार र पश्चिमतर्फ आउँदै गरेको प्रदेश १–०२–०४४ प ४९९६ नम्बरको मोटरसाइकल एकआपसमा ठोक्किएको प्रहरीले जनाएको छ ।
घाइते राईलाई उपचारका लागि विराटनगरको कोशी अस्पताल पुर्याउनासाथ डाक्टरले मृत घोषणा गरेको जिल्ला प्रहरी कार्यालयले जनाएको छ । कार चालक सुन्दरहरैँचा नगरपालिका वडा नं.९ का ३० वर्षीय मोहम्मद दुलाल मियाँ पक्राउ परेको र घटनाको सम्बन्धमा थप अनुसन्धान भइरहेको प्रहरीले जनाएको छ ।
