विराटचोकः शुक्रबार सुकुना बहुमुखी क्याम्पस मोरङको अतिरिक्त क्रियाकलाप समितिको आयोजनामा विद्यार्थीहरूबीच भएको खुला प्रतियोगितात्मक कविता प्रतियोगितामा बीएड प्रथम वर्षका प्रकाश कार्की पहिलो हुनुभएको छ ।
१९ जना प्रतियोगीले भाग लिएको प्रतियोगितामा बीबीएस तेस्रो वर्षका प्रकाश न्यौपाने दोस्रो, बीबीएस तेस्रो वर्षका सत्तिस कार्की तेस्रो हुनुभएको छ । बीबीए सातौँ सेमेस्टरका देवराज पौडेलले सान्त्वना स्थान हासिल गर्नुभएको छ । उहाँहरूलाई पुरस्कार प्रदान गरिएको छ ।
अतिरिक्त क्रियाकलाप समितिका संयोजक सहप्राध्यापक विदुर सुवेदीको अध्यक्षतामा सम्पन्न प्रतियोगिताको निर्णायकमा उपप्राध्यापक दीपक गौतम र शिक्षण सहायक बालकृष्ण गौतम हुनुहुन्थ्यो ।
कार्यक्रमका प्रमुख अतिथि क्याम्पस प्रमुख अर्जुनराज अधिकारीले विद्यार्थीहरूका रचनात्मक तथा सिर्जनात्मक कार्यलाई क्याम्पसले उचित सम्मान र अवसर दिने कुरामा जोड दिनुभएको थियो । कार्यक्रमको सञ्चालन अतिरिक्त समितिका सदस्य उपप्राध्यापक खगेन्द्रराज दाहालले गर्नुभएको थियो ।
