काठमाडौंः मन्त्रिपरिषदको बैठकले प्रधानमन्त्री खड्गप्रसाद ओलीको प्रमुख राजनीतिक सल्लाहकारमा विष्णु रिमाल र आर्थिक सल्लाहकारमा डा. युवराज खतिवडालाई नियुक्त गर्ने निर्णय गरेको छ ।
आज बसेको मन्त्रिपरिषद बैठकले यी दुई नियुक्ति गर्ने निर्णय गरेको हो । रिमाल यसअघि पनि ओली प्रधानमन्त्री हुँदा प्रमुख राजनीतिक सल्लाहकारका रुपमा कार्यरत हुनुहुन्थ्यो ।
डा. खतिवडा २०७४ सालमा ओलीकै मन्त्रिपरिषदमा अर्थमन्त्री नियुक्त हुनुभएको थियो । त्यसपछि, पदावधि सकिएर उहाँ राष्ट्रिय सभा सदस्यबाट पदमुक्त हुनुभएको थियो । त्यसपछि केही समय प्रधानमन्त्रीको आर्थिक सल्लाहकारको रूपमा खतिवडाले जिम्मेवारी सम्हाल्नुभएको थियो ।
