गोठगाउँः केही दिन लगातार बढिरहेको वित्त समूहको सूचक आज रातो भएको छ भने बाँकी सबै समूहको सूचकमा हरियाली छाएको छ । आज विकास बैंकतर्फ लगानीकर्ता झुम्मिँदा विकास बैंक समूहको सूचक उच्च प्रतिशत अर्थात् ४ दशमलव ९० प्रतिशतले बढेको छ ।
नेपाल स्टक एक्सचेन्जको बजार मापक सूचक आज मंगलबार नेप्से परिसूचक २५ दशमलव ९३ अंक अर्थात् १ दशमलव ३० प्रतिशतले बढेर २००६ दशमलव २८ बिन्दुमा बन्द भएको छ ।
आज ३२० कम्पनीको ७५ हजार २७१ पटकमा १ करोड १८ लाख ३८ हजार १५० कित्ता शेयर किनबेच हुँदा ४ अर्ब ८० करोड ४४ हजार ६०१ रुपैयाँको शेयर किनबेच भएको छ ।
कर्पोरेट डेभलपमेन्ट बैंक र इन्फिनिटी लघुवित्तको शेयरमूल्य १० प्रतिशतले बढ्दा ग्रीन डेभलपमेन्ट बैंकको शेयरमूल्य ८ प्रतिशतभन्दा बढी बढेको छ भने बोटलर्स नेपाल (तराई) को शेयरमूल्य साढे ७ प्रतिशतभन्दा बढी बढेको छ । पोखरा फाइनान्सको शेयरमूल्य सबैभन्दा धेरै ७.१८ प्रतिशत घटेको छ ।
आज साइन रेसुङ्गा डेभलपमेन्ट बैंकको सबैभन्दा धेरै १८ करोड २४ लाख २८ हजार १९२ रुपैयाँको शेयर किनबेच भएको छ पोखरा फाइनान्सको १७ करोड १ लाख ४७ हजार २३१ रुपैयाँको र गोर्खाज फाइनान्सको १६ करोड २५ लाख ४१ हजार ९८३ रुपैयाँको शेयर कारोबार भएको छ ।
बजार बढेसँगै समग्र बजार पूँजीकरण ३१ खर्ब ८१ अर्ब २० करोड १६ लाख २९ हजार ४११ रुपैयाँ कायम भएको छ ।
