विराटनगरः मोरङको रंगेलीस्थित सन्थाल बस्तीमा भएको आगलागी पीडित परिवारको बासस्थानको स्थायी समाधानका लागि पहल गरिरहेको कोशी प्रदेशका मुख्यमन्त्री केदार कार्कीले बताउनुभएको छ ।
पीडित परिवारसँग प्रत्यक्ष भेट गरी स्थानीयवासी, प्रदेश सरकार, स्थानीय सरकार र विभिन्न सामाजिक संघसस्थाको सहकार्यमा वासस्थानको स्थायी समाधान गरिने उहाँले बताउनुभएको हो । चैत ३ गते सन्थाल समुदायको बसोबास रहेको सुकुम्बासी बस्तीमा आगलागी हुँदा २३ वटा घर जलेर नष्ट भएका थिए ।
मुख्यमन्त्री कार्कीले अब विपन्नले सम्पन्न बन्ने अभियानमा लाग्नुपर्ने बताउनुभयो । मुख्यमन्त्री कार्कीेले स्थानीय तहले सो समुदायलाई आफ्नै जग्गाको व्यवस्थाका लागि अग्रसरता लिन आग्रह गर्नुभएको छ ।
