विराटचोकः नेपाल प्रिमियर लिग (एनपीएल) को तेस्रो सिजनको उपाधि सुदूरपश्चिम रोयल्सले हात पारेको छ ।
सुदूर पश्चिमका विदेशी खेलाडी जर्ज मन्सले आक्रामक ब्याटिङ गर्दै शतक बनाएपछि साबिक उपविजेता सुदूरपश्चिम रोयल्सले साविक विजेता लुम्बिनी लायन्सलाई पराजित गर्दै उपाधि जितेको हो ।
कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ गरेको लुम्बिनीले ६ विकेट गुमाएर १५५ रन बनाएको थियो । लुम्बिनी लायन्सले दिएको १५६ रनको लक्ष्य पछ्याएको सुदूरपश्चिम रोएल्सले कुनै विकेट नगुमाई पूरा गर्दै च्याम्पियन बनेको हो ।
उपाधि विजेता सुदूर पश्चिमले १ करोड ५० लाख, उपविजेता लुम्बिनीले ६० लाख, तेस्रो बनेको चितवनले ३० लाख र चौथो बनेको काठमाडौंले २० लाख रुपैयाँ पुरस्कार पाए ।





