लेटाङः निजी तथा आवासीय विद्यालयहरूको छाता सङ्गठन प्याब्सनको लेटाङ नगर कार्य समितिको छैटौं वार्षिक साधारणसभा सम्पन्न भएको छ । लेटाङ– ३ स्थित हमरहट मेमेरियल इङ्लिस स्कुलमा लेटाङ नगरपालिकाका शिक्षा शाखा प्रमुख कृष्णराज राईको प्रमुख आतिथ्यतामा साधारण सभा भएको हो ।
साधारणसभामा नगरका १४ जना शिक्षकहरूलाई सम्मान गरिएको छ । १४ वटा विद्यालयले १ जना उत्कृष्ट शिक्षक छनोट गरी पठाएपछि उनीहरूलाई दोसल्ला ओढाएर सम्मानपत्र प्रदान गरिएको हो । त्यस्तै प्याब्सनमा आबद्ध १४ वटा विद्यालयबाट १ छात्र र १ जना छात्रा गरी २ जनाका दरले २८ जना विद्यार्थीहरूलाई शैक्षिक सामग्री प्रदान गरिएको थियो । आर्थिक अवस्था कमजोर भएका विद्यार्थीहरूलाई सहयोग गरिएको प्याब्सन लेटाङका अध्यक्ष कमल अधिकारीले बताए ।
गत वर्षको एसईई परीक्षामा निजी विद्यालयहरूबाट उत्कृष्ट हुने एक जना छात्र र एक जना छात्रालाई नगद २ हजार र प्रमाणपत्र प्रदान गरी सम्मान गरिएको थियो ।
