विराटचोकः भदौ १० गते भोटेकोशीमा आएको बाढीका कारण भएको जनधनको क्षतिमा मानवीय सहयोग गर्ने कार्यअनुरुप इन्द्रपुर जेसीजले ५१ हजार रुपैयाँ सहयोग गरेको छ ।
जेसीजले नियमित रूपमा प्रत्येक वर्ष आयोजना गर्दै आएको “तीज विशेष कार्यक्रम” यस वर्ष आयोजना नगर्ने निर्णय गरेको पनि जनाएको छ । तीज कार्यक्रमका लागि छुट्याइएको रकम नेपाल जेसीजको नेतृत्वमा सञ्चालित “राहत सङ्कलन अभियान–२०२६” अन्तर्गत सहयोग गर्ने निर्णय जेसीजले गरेको हो ।
इन्द्रपुर जेसीजले विपदमा परी दिवङ्गत भएका सम्पूर्णप्रति हार्दिक श्रद्धाञ्जली अर्पण गर्दै घाइते सम्पूर्णको शीघ्र स्वास्थ्यलाभको कामना तथा हराइरहेका व्यक्तिहरूको सकुशल खोजी तथा पहिचान हुन सकोस् भन्ने कामना पनि गरेको छ ।
