इटहरीः इटहरीमा स्मार्ट सजिलो ट्राभल एण्ड टुर प्रालिले कार्यालय स्थापना गरी यात्रा र भ्रमणको सुविधा दिन थालेको छ ।
प्रबन्ध निर्देशक गणेश अधिकारी, बजार व्यवस्थापक सुजन अधिकारी र व्यापार प्रवर्द्धक सञ्जीव तिम्सिनाले संयुक्त रूपमा कार्यालयको उद्घाटन गरेका हुन् ।
सो कम्पनीले पर्यटकीय बस सेवा, होटल बुकिङ, टुर प्याकेज, ट्राभल इन्स्योरेन्स, गाइड सेवा लगायत विद्यार्थी तथा विभिन्न समूहका लागि आवश्यक ट्राभल तथा टुरसम्बन्धी सेवा उपलब्ध गराउने भएको छ ।
कम्पनीले नेपालका प्रमुख पर्यटकीय गन्तव्यलाई लक्षित गर्दै विभिन्न टुर प्याकेज सञ्चालन गर्ने जनाएको छ ।
