वराहक्षेत्रः भोटेकोशीमा आएको विनाशकारी बाढीमा परी ज्यान गुमाएका नागरिकहरूको चीर शान्तिको कामना गर्दै कोकाहा (कोका) र सप्तकोशी नदीको पवित्र संगमस्थलमा १०८ दीप प्रज्वलन गरिएको छ ।
दीप प्रज्वलनपश्चात् एक जोडी सेता परेवा आकाशमा उडाएर दिवंगत आत्माप्रति श्रद्धाञ्जली अर्पण गरिएको थियो । सामाजिक अभियन्ता नेत्रप्रसाद चौलागाईँको नेतृत्व तथा राष्ट्रिय स्वतन्त्र पार्टी (रास्वपा) सुन्दरहरैंचाका उपसभापति उज्ज्वल बन्जरासहित १० जना युवाको टोलीले यो श्रद्धाञ्जली कार्यक्रमको आयोजना गरेको थियो ।
मृतकको सम्झनामा भएको मौनधारणपछि युवाहरूले आकाशमा परेवा उडाएका थिए ।
