विराटचोकः मोरङको सुन्दरहरैंचा–१० स्थित हिमालय इङ्लिस स्कुलमा सञ्चालन भइरहेको हिमालय मनसुन स्काउट क्याम्प–२०८३ अन्तर्गत शनिबार साँझ आयोजित रात्रीकालीन क्याम्प फायर कार्यक्रममा सहभागी उत्साहपूर्ण वातावरणमा सरिक भएका थिए । सो क्याम्प आज समापन हुने भएको छ ।
क्याम्प फायर सुन्दरहरैंचाका स्थानीय स्काउट प्रमुख आयुक्त मनोज लामा कार्कीको अध्यक्षता तथा संघीय सांसद प्रेमलाल चौधरीको प्रमुख आतिथ्यतामा भएको थियो । कार्यक्रममा सुन्दरहरैंचा नगरपालिकाका शिक्षा शाखा प्रमुख तेज आचार्य तथा महेन्द्र माध्यमिक विद्यालयका प्रधानाध्यापक लोकबन्धु थापा विशिष्ट अतिथिका रूपमा सहभागी हुनुहुन्थ्यो ।
हिमालय इङ्लिस स्कुलका प्रिन्सिपल कमल खनालले स्वागत मन्तव्य राख्नुभएको थियो ।
कार्यक्रमका संयोजक तथा हिमालय स्काउट ट्रुपका प्रशिक्षक सुजन थापाले क्याम्प सफल बनाउन सहयोग गर्ने सबैलाई धन्यवाद दिनुभएको थियो ।
क्याम्प फायर कार्यक्रममा विद्यार्थीहरूले स्काउट गीत, सांस्कृतिक नृत्य, प्रेरणादायी नाटक, समूह प्रस्तुति तथा विविध सिर्जनात्मक कार्यक्रम प्रस्तुत गरेका थिए ।
