विराटचोकः अमेरिकाको टेक्सासस्थित डलास स्टेडियममा आज बिहान भएको सेमीफाइनलमा फ्रान्सलाई २–० गोलले पराजित गर्दै स्पेन १६ वर्षपछि फिफा विश्वकप फुटबल प्रतियोगिताको फाइनलमा पुगेको छ ।
सन् २०२६ को विश्वकपको फाइनलमा प्रवेश गर्दा स्पेनका लागि पेड्रो पोरो र मिकेल ओयार्जाबलले एकएक गोल गरेका थिए । खेलको २२ औं मिनेटमा पेनाल्टी गोलमार्फत् स्पेनले पहिलो अग्रता लिएको थियो ।
खेलको ५८ औं मिनेटमा पेड्रो पोरोले गोल गरेका थिए । त्यसपछि फ्रान्सले डेसिरे डोए र रायन चेर्कीलाई मैदानमा प्रवेश गराए पनि फ्रान्सले गोल गर्न सकेन ।
सन् २०१० को विश्वविजेता स्पेन त्यसपछि पहिलोपटक फाइनलमा पुगेको हो । फ्रान्स भने लगातार तेस्रोपटक सेमीफाइनलबाट बाहिरिन पुग्यो ।
