विराटचोकः जल तथा मौसम विज्ञान विभागका अनुसार हाल देशभर मनसुनी वायुको प्रभाव रहेको छ । हाल मनसुनको न्यून चापीय रेखा सरदर स्थानभन्दा केही माथि रहेको छ । जसको प्रभावले काठमाडौं लगायत विभिन्न भूभागमा बिहानैदेखि पानी परिरहेको छ ।
अहिले बागमती, गण्डकी र लुम्बिनी प्रदेशमा वर्षा भइरहेको छ ।
आज दिउँसो देशका पहाडी भू–भागका धेरै स्थानमा मेघगर्जन र चट्याङसहित मध्यमसम्मको वर्षा र हिमपातको सम्भावना छ ।
बागमती, गण्डकी, लुम्बिनी र सुदूरपश्चिम प्रदेशका तराई भू–भागका केही स्थानमा, मधेश प्रदेशका साथै कोशी प्रदेशका तराई भू–भागका थोरै स्थानमा मेघगर्जन र चट्याङसहित मध्यमसम्मको वर्षाको सम्भावना रहेको महाशाखाले जनाएको छ ।
आज राति कोशी, बागमती र गण्डकी प्रदेशको हिमाली भूभगका केही स्थान तथा लुम्बिनी, कर्णाली र सुदूरपश्चिम प्रदेशका हिमाली भू–भागका थोरै स्थानमा मेघगर्जन र चट्याङसहित मध्यमसम्मको वर्षा र हिमपातको सम्भावना छ ।
कोशी, बागमती, गण्डकी र लुम्बिनी प्रदेशको पहाडी भूभागको धेरै स्थान तथा कर्णाली र सुदूरपश्चिम प्रदेशका पहाडी भू–भागका केही स्थानमा मध्यमसम्मको वर्षाको सम्भावना छ ।
विभागका अनुसार तराई भू–भागका धेरै स्थानमा मेघगर्जन र चट्याङसहित मध्यमसम्मको वर्षाको सम्भावना रहेको छ । आज राति कोशी, बागमती, गण्डकी र लुम्बिनी प्रदेशको पहाडी भू–भागको थोरै स्थानमा तथा कर्णाली र सुदूरपश्चिम प्रदेशका पहाडी भू–भागका एक–दुई स्थानमा भारी देखि धेरै भारी वर्षाको सम्भावना रहेको छ ।
पछिल्लो एक घन्टामा सिन्धुपाल्चोकको मेलम्चीमा २४.६ मिलिमटर वर्षा मापन भएको छ । बर्दियाको कटरनियामा २३.६ मिलिमिटर वर्षा भएको छ ।
विभागका अनुसार पछिल्लो चौबीस घन्टामा सिन्धुपाल्चोकको गोब्रेमा १००.८ मिलिमिटर वर्षा भएको छ । नवलपुरमा ९५.८ मिलिमिटर, देउराली नवलपुरमा ७७.६ मिलिमिटर, डाँडामा ९५.८ मिलिमिटर, चितवनको गोविन्दवस्तीमा ७८.८ मिलिमिटर वर्षा भएको छ ।
