विराटचोकः अमेरिकाको फिलाडेल्फिया स्टेडियममा भएको राउन्ड अफ १६ को खेलमा पाराग्वेलाई १–० ले पराजित गर्दै फ्रान्सले क्वार्टरफाइनलमा स्थान सुरक्षित बनााएको छ ।
कप्तान किलियन एम्बाप्पेले खेलको ७० औं मिनेटमा गरेको एक मात्र गोल नै खेलको निर्णायक गोल बनेको थियो । एम्बाप्पेले पेनाल्टीमार्फत् गोल गर्दै फ्रान्सलाई अग्रता दिलाएका थिए । डिजायर डुएलाई पाराग्वेका खेलाडीले पेनाल्टी बक्सभित्र लडाएपछि फ्रान्सले पेनाल्टी पाएको थियो ।
जारी विश्वकपमा एम्बाप्पेको सातौं गोल हो । उनी अर्जेन्टिनाका लियोनल मेसीसँगै जारी विश्वकपमा सर्वाधिक गोल गर्ने सूचीमा शीर्ष स्थानमा छन् । एम्बाप्पे मेसीको विश्वकपको सर्वकालीन २० गोलको कीर्तिमानभन्दा मात्र एक गोलले पछि छन् ।
सेमीफाइनल प्रवेशका लागि फ्रान्सले मोरक्कोसँग खेल्नेछ । यी दुई टोलीले सन् २०२२ को विश्वकपमा सेमीफाइनलमा प्रतिष्पर्धा गर्दा मोरक्कोलाई हराउँदै फ्रान्स फाइनलमा पुगेको थियो ।
