लेटाङः आगामी आर्थिक वर्षको नीति तथा कार्यक्रममा लेटाङ नगरपालिकाले बालबालिकाहरूलाई लक्षित गर्दै लोकप्रिय अनलाइन खेलहरू पब्जी र फ्रि फायर प्रतियोगिता सञ्चालन गर्ने योजना अघि सारेको छ ।
नगरपालिकाको १९ औँ नगरसभामा बजेटका नीति तथा कार्यक्रमहरू प्रस्तुत गर्दै नगरप्रमुख भुपेन्द्रकुमार लावतीले सो जानकारी दिनुभएको हो।
नगरसभामा नीति प्रस्तुत गर्दै नगरप्रमुख लावतीले बालबालिका तथा युवाहरूको रुचि र प्रविधिको बदलिँदो स्वरूपलाई ध्यानमा राख्दै नगरस्तरीय पब्जी र फ्रि फायर प्रतियोगिता आयोजना गरिने बताउनुभयो ।
यस्ता कार्यक्रमले नगरभित्र रहेका ई–स्पोट्र्सका प्रतिभाहरूलाई पहिचान गर्न र उनीहरूको क्षमतालाई सकारात्मक दिशामा डोहोर्याउन मद्दत पुग्ने विश्वास लिइएको उहाँले बताउनुभयो ।
