विराटचोकः सोमबार शेयर बजार सूचक ३१ दशमलव ४९ अङ्कले घटेर २ हजार ९८ विन्दुमा बन्द भएको छ । नेप्सेमा सूचीकृत मध्ये ३०७ वटा कम्पनीको १ करोड ८० लाख ४३ हजार २४४ कित्ता शेयर १ लाख ५० हजार ५४३ पटक किनबेच हुँदा ६ अर्ब ३६ करोड ६० लाख ७० हजार ३ रुपैयाँको कारोबार भएको छ ।
व्यापार समूह बाहेक सबै समूह राताम्य भएको बजारमा व्यापार समूह ० दशमलव ३५ प्रतिशतले बढेको छ ।
सबैभन्दा धेरै जलविद्युत समूह २ दशमलव २४ प्रतिशतले घटेको छ । त्यस्तै लगानी समूह १ दशमलव ८५ प्रतिशतले घटेको छ । यसैगरी, अन्य समूह र वित्त समूह १ दशमलव ८१ प्रतिशतले घटेको छ ।
आज पनि हिमालयन रिइन्स्योरेन्सको सबैभन्दा धेरै अर्थात् ७८ करोड ६३ लाख ८३ हजार ४९२ रुपैयाँको कारोबार भएको छ । ङादी ग्रुप पावर कम्पनी, अपि पावर कम्पनी, सन् नेपाल लाइफ इन्स्योरेन्स उच्च कारोबार गर्ने कम्पनीमा परेका छन् ।
जलविद्युत समूहमा उच्च गिरावट आए पनि अपर स्याङ्गे हाइड्रोपावर कम्पनीको शेयरमूल्य ९ दशमलव ९८ प्रतिशत तथा मिड सोलु हाइड्रोपावरको शेयरमूल्य ९ दशमलव ४६ प्रतिशतले बढेको छ । आशा लघुवित्त वित्तीय संस्थाको शेयरमूल्य ६ दशमलव ६९ प्रतिशतले बढेको छ ।
सबैभन्दा धेरै दोर्दी हाइड्रोपावर कम्पनीको शेयरमूल्य ८ दशमलव ३३ प्रतिशतले घटेको छ । हिमालयन लघुवित्त वित्तीय संस्थाको शेयरमूल्य ७ दशमलव २७ प्रतिशतले घटेको छ ।
बजार घटेसँगै समग्र बजार पूँजीकरण ३२ खर्ब ९६ अर्ब ३० करोड ३४ लाख ७७ हजार ९२५ रुपैयाँ कायम भएको छ ।
