विराटचोकः नासा सेक्युरिटिज ब्रोकर नम्बर ५८ ले लगानीकर्ताहरूका लागि अत्याधुनिक प्रविधि सहितको नयाँ सुविधा ‘आफ्टर मार्केट अर्डर’ शुरु गरेको जनाएको छ ।
कम्पनीले आफ्नो नासा एक्स टिएमएस प्लेटफर्म मार्फत यो सेवा बैशाख ११ गते शुक्रबारदेखि कार्यान्वयनमा ल्याएको जनाएको छ । अब लगानीकर्ताहरू नियमित कारोबार समयको सीमाभित्र मात्र नरही बजार नखुलेको समयमा पनि शेयर किनबेचका लागि अर्डर गर्न मिल्ने भएको जनाइएको छ ।
खरीद वा बिक्री आदेश दिँदा उक्त दिनको अन्तिम कारोबार मूल्यको १५ प्रतिशत तल वा माथिको सीमा भित्र बसेर दिन मिल्ने र बजार खुलेपछि कार्यान्वयन नभएमा (म्याचिङ नभएमा) सो आदेश स्वतः खारेज हुने बताइएको छ ।
यो सुविधा विशेष गरी कार्यालय समयमा व्यस्त रहने पेशाकर्मी, व्यवसायी र विदेशमा रहेका नेपालीहरूका लागि निकै प्रभावकारी हुने बताइएको छ ।
नेप्सेले धितोपत्र कारोवार बिनियमावली २०८२ संशोधन गरेर ०८३ बैशाख ८ गते यो सेवा लागू गरेपछि पहिलो पटक नासाले यो सेवा शुरू गरेको हो ।
हाल यो सेवा नासा एक्सको वेब संस्करणमा मात्र उपलब्ध रहेको चाँडै यसलाई कम्पनीको मोबाइल एप्लिकेसनमा समेत विस्तार गरिने बताइएको छ ।
