विराटचोकः प्रसिद्ध भारतीय गायिका आशा भोस्लेको ९२ वर्षको उमेरमा मुम्बईस्थित ब्रीच क्यान्डी अस्पतालमा उपचारका क्रममा मृत्यु भएको छ ।
भारतीय सञ्चारमाध्यमहरुका अनुसार भोस्ले केही समय अघिदेखि अस्वस्थ थिइन् । मुटु र श्वासप्रश्वासमा समस्या भएपछि उनलाई शनिबार आइसीयूमा राखिएको थियो । उपचारकै क्रममा उनको निधन भएको हो ।
भारतीय सङ्गीत उद्योगकी सबभन्दा प्रतिष्ठित पाश्र्वगायिकामध्ये एक भोस्लेले दशकौंसम्म हजारौँ हिन्दी चलचित्रका गीत गाएकी थिइन् ।
उनले यो हो मेरो प्राणभन्दा प्यारो माइतीघर……’, ’गैरीखेतको शिरै हान्यो…..’, ’मोहनी लाग्ला है….’ लगायतका नेपाली गीत पनि गाएकी छिन् ।
भोलि उनको मृत शरीरको अन्तिम संस्कार गरिने भएको छ ।
